30 январи соли 2026 Консули генералии Ҷумҳурии Тоҷикистон дар ш.Санкт-Петербург Шерали Хуршед ба Маркази муҳоҷирати «Южный» ташриф оварда, бо муовини роҳбари Кумитаи муносибатҳои берунаи Санкт-Петербург Кассюра Евгений Владимирович ва роҳбари марказ Демина Елена Николаевна мулоқот анҷом дод.

Ҳамзамон зимни ташриф аз рафти кори Маркази муҳоҷирати «Южный», тартиби қабули шаҳрвандон, хусусан шаҳрвандони Ҷумҳурии Тоҷикистон шинос шуданд.    

27 январи соли 2026 дар шаҳри Санкт-Петербург ва вилояти Ленинград бахшида ба 82-мин солгарди озодкунии пурраи Ленинград аз муҳосираи фашистӣ, маросимҳои ёдбуд ва гулчанбаргузорӣ доир гардид, ки дар он кормандони Консулгарии генералӣ иштирок намуданд.

Ба поси хотираи афсарону сарбозон ва онҳое, ки ҷони худро дар озодкунии Ленинград аз муҳосира нисор кардаанд дар назди оромгоҳи ёдгории Пискарёв ва маҷмааи ёдгории ноҳияи Гатчина гулчанбар гузошта шуд.   

Дар арафаи Соли нави мелодии 2026 Консули генералии Ҷумҳурии Тоҷикистон дар шаҳри Санкт-Петербург Шералӣ Хуршед ба муассисаи давлатии буҷавии иҷтимоии паноҳгоҳи кӯдакон «Транзит»-и шаҳри Санкт-Петербург ташриф оварда, бо шарту шароити нигоҳдории кӯдакон шинос шуданд. Инчунин аз ҷониби намояндагӣ ба тифлони дар онҷо қарордошта туҳфаҳои соли навӣ тақдим карда шуд. 

Дар бинои Ҳукумати вилояти Ленинград вохӯрии Консули генералии Ҷумҳурии Тоҷикистон дар шаҳри Санкт-Петербург Шерали Хуршед бо роҳбари Кумитаи робитаҳои берунаи вилояти Ленинград Коновалов Олег Анатолевич баргузор гардид.

Зимни мулоқот ҷонибҳо вазъи кунунии муносибатҳои дуҷониба ва дурнамои  рушди минбаъдаи онҳоро баррасӣ намуданд.

17 декабри соли ҷорӣ вохӯрии Консули генералии навтаъйини Ҷумҳурии Тоҷикистон дар шаҳри Санкт-Петербург Шерали Хуршед бо роҳбари Кумитаи робитаҳои берунаи шаҳри Санкт-Петербург Григорев Евгений Дмитриевич баргузор гардид.

Зимни мулоқот ҷонибҳо доир ба масъалаҳои иқтисодӣ, маориф, фарҳанг, муҳоҷирати меҳнатӣ ва дигар самтҳо ҳамкорӣ миёни Ҷумҳурии Тоҷикистон ва Санкт-Петербургро муҳокима намуданд.

Дар фарҷом роҳбари Кумита – Григорев Е.Д. ба Консули генералӣ – Шерали Хуршед дар амали намудани рисолати дипломатиаш муваффақият таманно намуд.