9 апрели соли 2026 Консули генералии Ҷумҳурии Тоҷикистон дар шаҳри Санкт-Петербург Шералӣ Хуршед дар маросими гузоштани гулчанбар ба муносибати чорабиниҳои хотиравӣ ширкат варзида, ба хотираи 1200 афсароне, ки ҳангоми ишғоли шаҳри-қалъа Кёнигсберг ҷони худро фидо намудаанд, эҳтиром гузоштанд.

9 апрели соли 2026 Консули генералии Ҷумҳурии Тоҷикистон дар шаҳри Санкт-Петербург Шералӣ Хуршед дар маросими гузоштани гулчанбар ба муносибати чорабиниҳои хотиравӣ ширкат варзида, ба хотираи 1200 афсароне, ки ҳангоми ишғоли шаҳри-қалъа Кёнигсберг ҷони худро фидо намудаанд, эҳтиром гузоштанд.

8 апрели соли 2026 Консули генералии Ҷумҳурии Тоҷикистон дар шаҳри
Санкт-Петербург Шералӣ Хуршед ба вилояти Калинингради Федератсияи Россия, ки яке аз минтақаҳои ҳавзаи консулӣ мебошад, сафари корӣ анҷом дод. 

Дар доираи сафари корӣ бо роҳбари намояндагии Вазорати корҳои хориҷӣ дар вилояти Калининград Белов Сергей Александрович мулоқот доир гардид. Зимни вохӯрӣ оид ба вазъи кунунӣ ва дурнамои ҳамкориҳо миёни минтақаҳои Ҷумҳурии Тоҷикистон ва вилояти Калинингради Федератсияи Россия табодули афкор сурат гирифт.

Ҳамзамон бо ҳамватаноне, ки дар минтақаи мазкур зиндагӣ ва кору фаъолият менамоянд вохӯрӣ баргузор гардид.      

28 марти соли 2026 дар шаҳри Санкт-Петербург ҷашни Наврӯз бо иштироки намояндагони ҳукумати давлати иқомат, корпуси дипломатӣ, шӯрои ҳамоҳангсози диаспораҳои тоҷик дар шаҳри Санкт-Петербург ва донишҷуён ҷашн гирифта шуд.

Аз ҷониби Консулгарии генералӣ гушаи Тоҷикистон омода гардид, ки дар он маводҳои фарҳангӣ ва таърихии кишвар, инчунин либосҳои миллӣ ва асбобҳои мусиқӣ ба маърази тамошо гузошта шуд.

12 марти соли 2026 роҳбари Намояндагии дипломатӣ Давлатшоҳ Гулмаҳмадзода дар доираи сафари корӣ ба Санкт-Петербург бо донишҷӯёни тоҷик, ки дар муассисаҳои олии шаҳри Санкт-Петербург ва вилояти Ленинград таҳсил мекунанд, мулоқот намуд.

Зимни вохӯри сафир дар мавзуи дастовардҳои Тоҷикистон дар даврони истиқлолият, таблиғи худшиносӣ, ҳифзи арзишҳои таърихиву фарҳангӣ ва ҳувияти миллии ҷавонон сӯҳбат орост шуд.

Дастгирии доимии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар фароҳамсозии шароити мусоид барои таҳсил ва рушди минбаъдаи ҷавонон ба вижа таъкид намудан.

Ҳамзамон, сафир ба донишҷӯён доир ба арҷ гузоштан ба арзишҳои миллӣ, ватандустӣ, мубориза ва муқовимат бо экстремизм ва терроризм, ҳамроҳ нашудан ба ҳизбу ҳаракатҳои ифротӣ ва тарбия намудани насли наврасу ҷавон дар руҳияи худшиносиву меҳандӯстӣ изҳори андеша намуд. Дар баробари ин эҳтиром гузоштан дар расму оин ва риояи қонунгузории кишвар иқоматро аз ҷониби онҳо муҳим дониста шуд.

Дар фарҷоми вохӯрӣ донишҷӯён саволу дархостҳои гуногун пешниҳод намуданд, ки ба онҳо посухҳо дода шуд.