Дар шаҳри Санкт-Петербурги Федератсияи Россия дар ҳошияи Форуми байналмилалии иқтисодии Санкт-Петербург (ПМЭФ – 2026) вохӯрҳои Вазири рушди иқтисод ва савдо Абдураҳмонзода Абдураҳмон Сафаралӣ бо Вазири рушди иқтисоди Федератсияи Россия Максим Решетников ва Вазир–узви Ҳукумати Ҷумҳурии Сербия Ненад Попович баргузор гардид.

Зимни вохӯрӣ ҷонибҳо омодагии худро ҷиҳати рушди минбаъдаи ҳамкориҳо дар самтҳои афзалиятноки иқтисодию иҷтимоӣ иброз доштанд.

3-6 июни соли 2026 дар шаҳри Санкт-Петербурги Федератсияи Россия Форуми байналмилалии иқтисодии Санкт-Петербург (ПМЭФ – 2026) баргузор гардид, ки ҳайати Ҷумҳурии Тоҷикистон таҳти роҳбарии Вазири рушди иқтисод ва савдо Абдураҳмонзода Абдураҳмон Сафаралӣ дар маросими ифттитоҳи расмӣ, чорабиниҳои канорӣ ва Намоишгоҳи байналмилалии молу маҳсулот иштирок намуданд.

Дар чорабинии мазкур зиёда аз 20 ҳазор иштирокчӣ аз сохторҳои давлатӣ, сармоягузорон, ҷавонон, варзишгарон, намояндагони ташкилотҳои молиявӣ, соҳибкорону молистеҳсолкунандагон ва донишмандону олимон аз 130 кишвари дунё ширкат варзиданд.

20-22 майи соли 2026 Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода ҷиҳати иштирок дар ҷаласаҳои Шурои Ассамблеяи Байнипарламентии давлатҳои иштирокчии Иттиҳоди Давлатҳои Мустақил ба шаҳри Санкт-Петербург ташриф оварданд.

 Дар доираи сафари корӣ Файзалӣ Идизода дар бинои Консулгарии генералӣ бо намояндагони диаспора ва донишҷӯёни тоҷик, ки дар шаҳри Санкт-Петербург кору таҳсил доранд, мулоқот намуда, доир ба рушди иқтисодиву иҷтимоии Ҷумҳурии Тоҷикистон тайи 35 соли соҳибистиқлолӣ ва музаффариятҳои заҳматкашони кишвар таҳти роҳбарии хирадмандонаи Президенти Ҷумҳурии Тоҷикистон-Пешвои миллат муҳтарам Эмомалӣ Раҳмон ба ҳозирин маълумот дод.

8 майи соли 2026 кормандони Консулгарии генералии Ҷумҳурии Тоҷикистон дар Санкт-Петербург дар маросими гузоштани гулчанбар дар мазори ёдгории Пискарёв ва нимпайкараи қаҳрамони Иттиҳоди Шӯравӣ, ҳамватанамон Туйчи Эрҷигитов (ш.Любан) иштирок намуданд.

10 апрели соли 2026 дар доираи сафари корӣ ба вилояти Калининград Консули генералии Ҷумҳурии Тоҷикистон дар шаҳри Санкт-Петербург Шералӣ Хуршед бо Губернатори вилояти Калининград Беспрозванних Алексей Сергеевич мулоқот кард. Зимни вохӯрӣ оид ба густариши ҳамкориҳои дар соҳаҳои иқтисод, маориф, фарҳанг ва сайёҳӣ табодули афкор сурат гирифт.  

Ҳамзамон, дар мулоқот медали ҳарбии «Барои хизматӣ ҷангӣ» Ишанов Алим, зодаи Тоҷикистони шуравӣ, ки 81 сол пеш дар ҳайати фронти 3-юми Белоруссия дар амалиёти ҷангӣ иштирок карда буд тақдим гардид. Медали мазкур аз ҷониби гурӯҳҳи ҷустуҷӯӣ дар ҷойҳои набардҳои соли 1945 пайдо карда шуд.