8 июли соли 2026 бинои Ҳукумати вилояти Ленинград вохӯрии Консули генералии Ҷумҳурии Тоҷикистон дар шаҳри Санкт-Петербурги Федератсияи Россия Шералӣ Хуршед бо роҳбари Кумитаи робитаҳои берунаи вилояти Ленинград Анастасия Михалченко баргузор гардид.

Зимни мулоқот вазъи кунунии муносибатҳои дуҷониба ва дурномои рушди минбаъдаи онҳо баррасӣ гардид.

Дар фарҷом аз ҷониби Ҳукумати вилояти Ленинград беш аз 1500 адад китоб барои муассисаҳои таълимии Тоҷикистон тақдим карда шуд.

Қобили қайд аст, ки тақдими китобҳои мазкур дар рафти вохӯрии Раиси вилояти Хатлон Давлатали Саид бо Губернатори минтақа Дрозденко А.Ю. баррасӣ шуда буд.

4 июли соли 2026 Консули генералии Ҷумҳурии Тоҷикистон дар шаҳри Санкт-Петербурги Федератсияи Россия Шералӣ Хуршед дар чорабинӣ бахшида ба 80 солагии таъсисёбии вилояти Калининград иштирок намуда, дар яке аз бузургтарин макони дафни афсарони вилоят «Ёдгории 1200 афсарон» гулчанбар гузоштанд.  

24–26 июни соли 2026 дар шаҳри Санкт-Петербурги Федератсияи Россия XIV Форуми байналмилалии ҳуқуқӣ баргузор гардида, ки дар он ҳайати Ҷумҳурии Тоҷикистон таҳти роҳбарии Вазири адлия Музаффар Ашуриён иштирок ва суханронӣ намуданд.

18 июни соли 2026 дар шаҳри Санкт-Петербурги Федератсияи Россия Конфронси байналмилалӣ оид ба таҳкими робитаҳои фарҳангӣ ва рушди соҳаҳои эҷодӣ баргузор гардид, ки дар он ҳайати Ҷумҳурии Тоҷикистон таҳти роҳбарии Сарвазири Тоҷикистон Қоҳир Расулзода иштирок намуд.

Дар конфронс ҳолати кунунӣ ва дурнамои рушди ҳамкории байналмиллалӣ дар самти робитаҳои фарҳангӣ баррасӣ гардида, ба масъалаҳои ҳифзи мероси муштараки таърихӣ, тақвияти робитаҳои башардӯстона, тавсеаи муколамаи байнидавлатӣ ва таҳияи механизмҳои муосири ҳамкорӣ таваҷҷуҳи махсус зоҳир карда шуд.

Дар шаҳри Санкт-Петербурги Федератсияи Россия дар ҳошияи Форуми байналмилалии иқтисодии Санкт-Петербург (ПМЭФ – 2026) вохӯрҳои Вазири рушди иқтисод ва савдо Абдураҳмонзода Абдураҳмон Сафаралӣ бо Вазири рушди иқтисоди Федератсияи Россия Максим Решетников ва Вазир–узви Ҳукумати Ҷумҳурии Сербия Ненад Попович баргузор гардид.

Зимни вохӯрӣ ҷонибҳо омодагии худро ҷиҳати рушди минбаъдаи ҳамкориҳо дар самтҳои афзалиятноки иқтисодию иҷтимоӣ иброз доштанд.