КОНСУЛГАРИИ ГЕНЕРАЛИИ ҶУМҲУРИИ ТОҶИКИСТОН
ДАР ШАҲРИ САНКТ-ПЕТЕРБУРГ

“Зеро бо сабабҳои воқеӣ, сафар кардан тавассути фурудгоҳу истгоҳҳои роҳи оҳан номумкин аст”, - изҳор медорад намояндагии дипломатии кишвар.

Вазорати корҳои хориҷии Ҷумҳурии Тоҷикистон иттилоъ медиҳад, ки бино бар қарори Сардухтури давлатии санитарии Ҷумҳурии Тоҷикистон шаҳрвандони Тоҷикистон ва кишварҳои хориҷӣ, ки дар Чин, Эрон, Италия, Ҷумҳурии Корея, Афғонистон, Фаронса, Испания, Шветсия, Швейтсария, Британияи Кабир, Норвегия, Нидерланд, Олмон, Белгия, Дания ва Иёлоти Муттахидаи Америка қарор доштанд, ва ба Тоҷикистон ворид мешаванд, ба мақсади пешгирии интишори коронавируси нав (COVID-19) дар хоки Тоҷикистон ба муддати 14 рӯз ба карантин фаро гирифта мешаванд.

Сафорати Ҷумҳурии Тоҷикистон дар Федератсияи Россия ба таваҷҷуҳи шаҳрвандони Тоҷикистон мерасонад, ки аз 16 марти соли 2020 бинобар таъсири пандемияи коронавируси нав (COVID-19) дар қаламрави Қазоқистон вазъияти фавқулода эълон гардида, маҳдудияти ворид шудан ба Қазоқистон ҷорӣ гардид. Айни замон ҳамаи гузаргоҳҳои сарҳадӣ миёни Россия ва Қазоқистон баста шудаанд.

Ба диққати шахрвандон расонида мешавад, ки вобаста ба тадбирҳо ҷиҳати пешгирии паҳншавии инфексияи нави короновируси COVID-19 аз ҷумла басташавии марзҳо байни Федератсияи Россия, Ҷумҳурии Қазоқистон ва Ҷумҳурии Узбекистон ва мушкилоти бамиёномада дар Консулгарии генералии Ҷумҳурии Тоҷикистон дар ш. Санкт-Петербург телефони боварии доимамалкунанда (hotline) +7 961 611 16 17 барқарор карда шуд. Дар ҳолатҳои таъҷилӣ шаҳрвандон метавонанд бо ин рақам бо Консулгарии генералӣ дар тамос шаванд.

Имрӯз, 1 марти 2020 соати 8:00 (бо вақти Москва) дар Участкаи интихоботӣ оид интихоботи вакилони Маҷлиси намояндагони Маҷлиси Олии Ҷумҳурии Тоҷикистон дар назди Консулгарии генералии Ҷумҳурии Тоҷикистон дар шаҳри Санкт-Петербурги Федератсияи Россия овоздиҳӣ шурӯъ шуд. Дар участкаи интихоботии мазкур он шаҳрвандони Ҷумҳурии Тоҷикистон, ки дар шаҳри Санкт-Петербург, вилояти Ленинград ва дигар субъектҳои шомили Округи федералии шимолу ғарби Россия ба таври муваққат ё доимӣ зист доранд, овоз медиҳанд. Рафти овоздиҳии интихобкунандагонро нозирони байналмилалӣ аз Ассамблеяи байнипарламентии Иттиҳоди Давлатҳои Мустақил мушоҳида мекунанд.